【官宣】韋斯咸簽狼隊隊長　轉會費4億

韋斯咸官方宣布，由狼隊簽入27歲中堅麥斯基爾文，據報合約長達7年，轉會費高達4,000萬鎊(約4億港元)，將成為盧比迪古在「錘仔幫」嫡系球員。

麥斯基爾文於低組別聯賽出道，2018年加盟狼隊，參加U21比賽，其後獲拔提上一隊，逐漸成為主力，上季擔任隊長，當時佢同狼隊簽下5年長約，上季煞科日仲喺社交網同球迷表示，好快會再見，點都估唔到佢會轉會。

報道指，麥斯基爾文轉投韋斯咸，係因為盧比迪古，在盧比迪古執教狼隊期間兩人曾有合作，新球季韋斯咸換帥，莫耶斯約滿離隊，改由盧比迪古執教，麥斯基爾文就跟隨盧比迪古過檔韋斯咸，兩人再度合作，可以預見，麥斯基爾文將會係盧比迪古體系嘅核心成員。