堅尼傷病太多：我唔可以再踢波

每逢國際賽檔期，又係舉辦傳奇元老賽嘅好時候，不過多年來都唔見前曼聯隊長堅尼亮相，53歲嘅堅尼解釋，因為自己傷病太多，已經無法再跑動，唔可以再踢波。

堅尼生涯為曼聯上陣475場，其後轉投些路迪上陣僅11場就掛靴，最近有場元老賽曼聯對些路迪，搵佢踢就最具代表性，不過堅尼坦言自己已經踢唔到波：「我身體狀況唔理想，距離重返球場仲差好遠，依家我好尷尬，雖然體重冇增加，但亦唔算健康，而且我真係跑唔郁。」

堅尼坦言近年經常獲邀請出席元老賽，但真係踢唔到：「我真係冇辦法參加，因為我之前太多傷病，要小心飲食，控制體重，但無法作任何形式跑動。」