時光飛逝　施丹長子宣布掛靴

法國巨星施丹已經掛靴18年，時光飛逝，近日連佢大仔安素施丹亦宣布掛靴，日後將會專注照顧家人，以及打理家族事務，而佢今年只得29歲。

安素施丹未能繼承父親衣缽，生涯只係一位平庸球員，司職中場，2000年在祖雲達斯青訓出身，其後跟隨父親轉投皇馬青年軍，2014年效力皇馬C隊，同年升上B隊，2016年升上皇馬一隊，生涯初期有個唔錯起步。

當年施丹接任皇馬主帥一職，不過安素施丹表現普通，全季僅在西班牙盃上陣1場，但該季皇馬贏得世冠盃、歐超盃、歐聯同西甲，安素施丹哎吔都算係隊員之一。

安素施丹於2017年離開皇馬，游走於西班牙同法國球圈，並無突出之處，上季在一支西丙球隊完成球季後冇再落班，到依家決定掛靴，結束球員夢，日後將會專心打理家族事務。