伊巴謙莫域搭路　AC米蘭誓簽連迪路夫

曼聯中堅域陀連迪路夫明年約滿，極大機會結束8年「紅魔生涯」。據意大利傳媒報道，AC米蘭喺顧問伊巴謙莫域極力推介下，將會全力收購呢位30歲中堅，最快1月份可以簽署初步合約。

域陀連迪路夫喺曼聯已被邊緣化，今季只有1次後備上陣紀錄。據米蘭媒體《Milan Live》報道，AC米蘭計劃明年免費簽人，而且1月可以正式斟介同開出合約。雖然連迪路夫周薪達到14萬歐元，但AC米蘭高級顧問伊巴謙莫域極力推薦，甚至叫球會要「不惜一切」將佢招攬。

伊巴謙莫域同連迪路夫喺瑞典國家隊合作多年，喺曼聯日子亦曾經共事，伊巴謙莫域曾形容連迪路夫「可以為世界上任何球隊效力」，對呢位同胞推崇備至。