英格蘭名宿獻計：請費Sir出山執教曼聯1季

曼聯今季成績差劣，現時英超排14位，領隊坦哈格已黔驢技窮，面臨被炒，英格蘭名宿加斯居尼獻計，認為可以邀請費格遜出山，執教曼聯1季，睇下球隊能否翻生。

費格遜2013年退休之後，曼聯更換多位領隊，但仍然冇起色，一直同英超冠軍無緣，近年成績甚至愈來愈差，加斯居尼話：「費格遜嘅接班人都做唔長，莫耶斯、摩連奴都係一樣，我對於坦哈格嘅表現感到遺憾，我希望費格遜接手領軍，睇下佢可以點樣改造現時一班球員，我認為曼聯球員冇為坦哈格賣力比賽，作為球員必須尊重領隊，有費Sir坐鎮，球員應該會聽話。」

不過，費格遜已經82歲，身體狀況亦麻麻，恐怕佢老人家現時應該經唔起球員「刺激」。