皇馬後防缺人　想簽拿樸迪

皇家馬德里現時只有魯迪格及艾達米列達奧後兩名中堅，防線冇得輪換，據報球隊睇中30歲西班牙國腳拿樸迪，而雙方最大障礙係拿樸迪嘅人工，因為拿樸迪所屬嘅沙特豪門艾納斯，給予天價年薪2,500萬歐元，皇馬望塵莫及。

拿樸迪去年夏天由曼城轉投艾納斯，之後仍然繼續入選西班牙國家隊，並在今夏隨隊贏得歐國盃，佢喺沙特比賽一季半後有意離隊，皇馬係佢重返歐洲嘅最佳去處。

西班牙傳媒報道，皇馬主帥安察洛堤對於簽入拿樸迪持開放態度，但如果拿樸迪要去皇馬，可能要大幅降低薪酬條件，而且艾納斯正在全力爭標，是否願意放人都係另一大問題。