撐徒弟！費格遜「被炒」後首返奧脫福睇波

費格遜早前被曼聯解除「宣傳大使」職務，引起球圈唔少爭議，佢之後亦冇再入場睇曼聯，令人懷疑佢同曼聯「割席」。不過周四(31日)凌晨英聯盃，費Sir就喺被炒後首度現身奧脫福，見證昔日愛將雲尼斯達萊首度帶領曼聯。

費Sir年薪超過200萬鎊嘅「曼聯大使」職務被罷免後，上個主場對賓福特嗰陣，費Sir就寧願去睇蘇超為鴨巴甸打氣，但今仗要撐徒弟「雲佬」，費Sir就重返奧脫福，同英格蘭前板球隊隊長米高禾漢結伴睇波，最終目睹曼聯獲得久違嘅漂亮勝仗。

現年82歲嘅費格遜，據報今次同曼聯係「和平分手」，不過傳奇球星簡東拿就炮轟新老闆拉特克利夫「唔尊重」。