沙治奧拉莫斯加操　傳重返皇馬救亡

西甲勁旅皇家馬德里近期遇上嚴重傷兵問題，右閘丹尼爾卡華積同中堅艾達米列達奧先後重傷收咧。據西班牙傳媒報道，皇馬考慮邀請傳奇沙治奧拉莫斯歸隊救亡，呢位38歲中堅近期積極操練，似為復出做好準備。

皇馬後防出現兵荒，曾效力球會16年嘅沙治奧拉莫斯傳聞可能做「救兵」，佢今夏離開西維爾後一直未落班，但亦無意掛靴，目前收到歐洲、美洲同亞洲嘅多份聘約，但隨住皇馬傷兵潮爆發，報道指皇馬考慮搵沙治奧拉莫斯頂住，而佢嘅領導力亦係球隊依家所欠缺。

沙治奧拉莫斯近期喺社交網自貼加操影片，留言自稱「感覺強壯」，為復出做好準備。皇馬名將古迪亦呼籲球會盡快簽人：「你見到安察洛堤個樣勁擔心，米列達奧、卡華積都好重要，皇馬一定要增兵，而沙治奧拉莫斯依家係自由身，佢上季喺西維爾踢得好好，對皇馬又非常熟悉，唔使轉會費之下，絕對係合適選擇。」