韋斯咸前鋒魔咒再現　富克洛半季玩完？

韋斯咸今個夏天重金簽入德國前鋒富克洛，不過呢位「空中霸王」表現未如人意，近2個月更因傷缺陣兼復出無期，據報韋斯咸已打算1月份將佢送走，而且已物色巴西前鋒頂替，富克洛嘅英超生涯隨時半季玩完。

富克洛係德國國家隊主力，今夏由多蒙特過檔韋斯咸令人期待，但佢似乎未能適應，季初4場比賽0入波0助攻，9月國際賽更受傷面回，到依家仍未有復出時間。據報富克洛擔心國家隊位置不保，已希望1月份重返德甲，而韋斯咸亦已做好準備，計劃收購哥連泰斯前鋒尤尼艾拔圖代替。

韋斯咸嘅前鋒魔咒已持續多年，自從阿拿奧杜域喺2019年離隊後，韋斯咸簽入嘅前鋒冇個掂，施巴斯坦賀拿、施卡馬卡、丹尼艾格斯同富克洛等都交唔出表現，仍然靠老將米查利安東尼奧頂住。