拉舒福特即將離隊　艾摩廉咁回應

拉舒福特有意離隊震動英倫，曼聯主帥魯賓艾摩廉在英聯盃8強對熱刺嘅賽前記者會，有關「福仔」去留亦成為提問焦點，艾摩廉並無否認要出售拉舒福特，佢表示會嘗試用不同方法，幫助拉舒福特重返巔峰。

艾摩廉並無表示會挽留拉舒福特，佢只係話：「當拉舒福特在陣，我哋係更好嘅球隊，我會嘗試用不同方法幫助拉舒福特重返巔峰，曼聯呢類球隊，正需要呢類擁咁有天賦嘅球員。」

對於拉舒福特要「迎接新挑戰」，艾摩廉並無反對，甚至認為佢講得啱：「佢講得啱，曼聯正面臨新挑戰，甚至係足球界嘅新挑戰，曼聯處境困難，我哋係世上最大球會之一，我哋要迎接重大挑戰，希望每位球員都準備好。」

對於「福仔」有意離隊，艾摩廉坦言仲未同佢交談過，但佢話：「我唔講將來，只講現在，希望每名球員都發揮最佳水準，幫球隊贏波。」