拿玻里最新報價　死線前簽加拿祖

曼聯翼鋒阿歷真度加拿祖冬窗期間獲拿玻里同車路士斟介，甚至加拿祖已經向主場球迷告別，但就遲遲未落實轉會，最主要原因係轉會費未能一致，據報拿玻里將再開新報價，希望在轉會死線前完成交易。

曼聯同拿玻里就加拿祖轉會費差距不斷收窄，最新叫價，曼聯要求5,000萬鎊（約4.85億港元），而拿玻里則還價5,000萬歐元(約4.05億港元)，希望曼聯將叫價降低，促成交易。

拿玻里出售基華拉斯基利亞予PSG，獲得5,900萬鎊轉會費，有足夠資金買人，干地認為加拿祖係最佳替補人選，希望加拿祖過檔跟佢搵食，至於曼聯會否在死線前放人，好快揭盅。

一旦出售加拿祖，曼聯將會借用拜仁小將馬菲斯泰爾，補充翼鋒空缺，不過泰爾係近期搶手貨，曼聯簽唔簽到都係兩睇。