獲施蒙尼垂青　馬體會想簽紐尼斯

達雲紐尼斯前仗對阿士東維拉空門射失後，近兩場英超退居後備，僅上陣3分鐘，紅軍亦順利2連勝，據報利物浦今夏好大機會出售呢位烏拉圭前鋒，另邊廂馬體會主帥施蒙特好欣賞紐尼斯，有意接收。

紐尼斯2022年夏天由賓菲加轉投利物浦，轉會費高達6,400萬鎊，但3季以來表現掙扎，出場順序靠後，更不時被批評為「水貨」，主要原因係佢有時會錯失啲容易入波嘅機會，例如前仗對維拉空門飛機，賽後就畀遭到猛烈批評，就連主帥施洛都忍唔住話咗佢兩句。

利物浦今夏將重組鋒線，紐尼斯勢必被出售，據報馬體會有意接收。馬體會正物色基沙文接班人，紐尼斯係人選之一，施蒙尼對佢相當欣賞，不過雙方未有接觸，紐尼斯只有25歲，因此轉會身價仍然偏高，高達6,500萬歐元(約5.3億港元)。