阿仙奴知衰急請總監　5大候選人曝光

阿仙奴今季英超爭逐幾乎肯定失敗，最大原問題係上年夏天同上月轉會窗，無視「前鋒荒」問題拒絕增兵，搞到依家全部傷晒無鋒可用。巴西總監伊度3個月前突然辭職，被視為問題根源，據報阿仙奴亦知衰補鑊，3月份會急聘新總監上場，5大候選人亦已曝光。

據《The Athletic》報道，依家擔任臨時總監嘅艾頓喺候選人之一，不過其餘4人來頭更猛，包括已宣布季尾離開皇家蘇斯達嘅奧拉比、早前被曼聯炒魷嘅艾舒禾夫、前馬德里體育會總監貝達，同埋摩納哥總監施古路。

報道指阿仙奴仍未向目標人物正式斟介，但揀定目標之後，希望可以喺3月份成功任命，提前為夏天嘅組軍做準備。消息指阿仙奴領隊阿迪達亦會參與聘請總監嘅討論，務求物色到可以同佢順利合作嘅最佳人選。