尼馬將重投巴塞？費歷克咁回應

巴西球星尼馬冬季離開希拉爾，加盟母會山度士後，有出色表現，盛傳呢位33歲前鋒有意重返歐洲搵食，重投巴塞隆拿，教練費歷克表示，是否簽入尼馬，一切由會方決定，似乎暗示唔想佢加盟。

巴塞隆拿出戰歐聯16強首回合對賓菲加前夕，費歷克被傳媒問到尼馬回歸嘅可能性，呢位德國名帥話：「呢方面唔係我嘅工作，我只會集中處理比賽問題，簽球員嘅工作由球會其他部門跟進，總之唔係我。」可見費歷克對於簽入尼馬有所保留。

尼馬曾於2013至17年效力巴塞隆拿，上陣186場入105球，其後轉投巴黎聖日耳門，為巴塞帶來2.22億歐元(約18億港元)轉會費收入。尼馬近年狀態大不如前，加上經常受傷，難怪費歷克唔想簽佢。