開定香檳　利物浦100%機會晉級歐聯8強

利物浦將於周三(12日)凌晨歐聯16強次回合主場對巴黎聖日耳門(PSG)，紅軍首回合贏1比0，形勢佔上風。根據統計，利物浦過去喺歐洲賽史上39次淘汰賽首回合作客贏波，全部順利晉級，成功比率高達100%，紅迷球迷可以開定香檳慶祝。

此外，自從歐聯淘汰賽取消作客入球優惠之後，有3支球隊曾於首回合作客贏1比0，最終都晉級，包括拜仁慕尼黑2022/23年球季16強，首回合作客以1比0擊敗PSG，次回合再贏2比0「雙殺」對手，呢支法甲豪門今屆隨時又成為苦主。

根據OPTA統計，如果利物浦打入歐聯8強，奪冠機會為26%，紅軍同皇馬、馬體會、阿仙奴屬於同一條線，一旦打入4強，好大機會遇上其中一隊，要過關絕非易事。