歐洲3大盃賽8強全誕　英超佔5席成大贏家

周五(14日)凌晨歐霸盃及歐協聯16強次回合賽事結束之後，今屆歐洲3大盃賽8強球隊全部誕生，英超兵團成為大贏家，獨佔5席，屬於各大聯賽之冠，「世界第一聯賽」當之無愧。

歐聯8強之中，5大聯賽玩晒，英超、西甲、德甲各有2隊，分別為阿仙奴、阿士東維拉、皇馬、巴塞隆拿、拜仁慕尼黑、多蒙特，另外2隊分別為意甲國際米蘭、法甲巴黎聖日耳門。

至於歐霸盃8強，英超更加係「大戶」佔2席，包括曼聯及熱刺，由於兩隊分別屬於上下線，意味有望合演「全英決賽」。

歐協聯方面，車路士由「聯賽階段」開始至今，8戰全勝，喺呢項賽事大超班，好大機會成為最終王者。