馬體會投訴　歐洲足協或改「雙重觸球」條例

馬德里體育會喺歐聯16強大戰，互射12碼輸畀皇家馬德里，當中祖利安艾華利斯射12碼跣腳，導致「雙重觸球」令入波被作廢，引起極大爭議。歐洲估協周四(13日)回應馬體會投訴，表示將會研究修例，對「雙重觸球」準則放寬。

歐洲足協發出聲明表示：「回應馬體會對今次12碼作廢查詢，雖然個接觸係非常輕微，但球員(艾華利斯)射門前隻重心腳確實掂到個波，影片可以證實。根據現行球例14.1，VAR提示球證呢球12碼應該作廢。」

不過，歐洲足協似乎亦認同呢條球例可能矯枉過正，表明會考慮修改：「我哋會同國際足協、國際足協理事會研究，睇下條例有冇需要修改，特別係球員明顯無意下『雙重觸球』。」