沙拿VVD拒絕利物浦報價　奪冠後離隊？

距離季尾尚餘2個多月，利物浦3位主力穆罕默德沙拿、華基爾雲迪積克同阿歷山大阿諾特仍未續約，其中阿諾特轉投皇馬已成定局，據報沙拿同VVD近日拒絕會方續約報價，離隊陰霾籠罩全隊。

英國傳媒報道，利物浦向沙拿及VVD開出新合約，已遭兩人拒絕，利物浦報價已達到球會所設上限，球會高層唔打算為兩位主力開先例。

與此同事，VVD已收到沙特豪門希拉爾巨額報價，年薪高達2,000萬歐元(約1.7億港元)，條件肯定遠超利物浦開價，不過VVD仍希望留效「紅軍」，據報VVD打算在球季結束後再同利物浦傾新約，爭取留隊迎接2026年世界盃。

至於沙拿離隊機會較高，希拉爾向沙拿開出天價年薪1.8億歐元(約15.5億港元)，同C朗睇齊，而且早前利物浦已同希拉爾達成協議，如果同沙拿續約失敗，就會提前在6月初放人，讓沙拿可在國際足協6月初設立嘅特別轉會窗轉投希拉爾，出戰今夏世冠盃，因此沙拿極可能今季奪冠後離開利物浦。