利物浦計掂數　賣紐尼斯買奧森漢

利物浦今個夏天出售達雲紐尼斯基本確定，收回資金後將在市場物色新中鋒，據報佢哋打算加入搶奪拿玻里神鋒域陀奧森漢，轉會預算高達6,000萬鎊(約6億港元)，實行同紐尼斯一個換一個。

英國傳媒報道，域陀奧森漢深得利物浦董事會多人支持，原來早在奧森漢踢青年級別賽事時，已吸引「紅軍」注意，並嘗試斟介，不過最終奧森漢選擇加盟拿玻里。

奧森漢在意甲平步青雲，打破多項紀錄兼贏得意甲冠軍，現時被外借到加拉塔沙雷，佢本人明言希望轉戰英超，利物浦今個冬窗曾打算出售紐尼斯，再購入奧森漢，但未能成功，今個夏天將再作嘗試。

達雲紐尼斯據報已同意轉赴沙特聯賽，利物浦將可收回一筆可觀轉會費，有更多預算用於爭奪域陀奧森漢，該26歲尼日利亞中鋒轉會費在6,000萬鎊左右，在利物浦預算範圍之內。