里奧費迪南獻「收購名單」　曼聯簽4人可翻生

曼聯近年成績低迷，買賣球員不力係最要原因，傳奇球星里奧費迪南近日就喺自己嘅網上節目，代曼聯製作一份收購名單，表示若曼聯喺夏天能夠簽入佢推薦嘅4名球星，就有機會翻生。

里奧費迪南表示：「我認為曼聯需要4至5個新球員，但佢哋會受到英超財務條例限制，一個中場、兩個前鋒同一個右翼衞，簽到就可以再次向正確嘅方向進發。」

里奧費迪南解釋：「我想要個烏加迪嘅中場拍檔，要識得用波同交波，禾頓係我嘅選擇。前鋒我哋要有經驗、識入波嘅球員，而且係精英級別，域陀奧森漢就係呢個人。另一個前鋒我揀馬菲奧斯根夏，佢已經講明想走，我哋有能力簽到。右翼衞係邊個？就係謝利美費林邦！」