肥安落鑊在即　皇馬想搵高普出山

皇家馬德里今夏好大可能換教練，如果歐聯及西甲失冠，主帥安察洛堤將被辭退，據報近期多名經理人提到，皇馬打算邀請高普出山接手，認為該德國名帥可以解決皇馬嘅戰術問題。

皇馬今季表現下滑，主要原因係基利安麥巴比來投、卻奧斯掛靴，令「肥安」強調嘅陣容平衡被打破，最終影響全隊，今季接連失利後，會長皮里茲打算換教練，前利物浦主帥高普被列入皇馬高層重要選項。

西班牙傳媒報道，皮里茲身邊人士建議，高普是解決皇馬戰術問題最佳人選，皇馬為追求成績不惜一切嘅決心，對高普極具吸引力，原來早在數年前，皇馬同高普曾經有接觸，一度接近合作，但當時「老佛爺」唔同意而作罷，今次只係舊事重提。

高普去年夏天離開利物浦，至今將近1年，現時擔任紅牛集團全球足球主管，如果佢重返教練崗位，相信只有皇馬呢類級數球隊同佢最匹配。