曼聯有運行　畢爾包神鋒可能缺陣歐霸盃

曼聯將於5月2日凌晨歐霸盃4強首回合作客西甲勁旅畢爾包，紅魔鬼似乎獲得幸運之神眷顧，對手翼鋒尼高拉斯威廉斯受到腹股溝傷患困擾，可能缺陣今場大戰。

尼高拉斯威廉斯今季為畢爾包各項賽事上陣42場入11球及7次助攻，包括歐霸盃有5球進帳，呢位22歲西班牙國腳突然缺席上場西甲對皇馬，原來係因為腹股溝有傷，周四(24日)凌晨西甲主場對拉斯彭馬斯，可能都唔使預佢，甚至歐霸盃4強首回合亦上陣成疑。

尼高拉斯威廉斯曾經表示，好渴望喺奧脫福球場比賽，更一度傳出曼聯有興趣簽入佢。事實上，尼高拉斯威廉斯近年迅速冒起，早已成為巴塞隆拿、阿仙奴、車路士收購目標，估計身價達7,000萬歐元(約6.2億港元)。