曼聯被截胡？祖記加入爭奪奧森漢

近期盛傳曼聯計劃收購拿玻里前鋒域陀奧森漢，根據意大利《都靈體育報》最新爆料，意甲勁旅祖雲達斯亦加爭奪呢位26歲尼日利亞國腳，隨時截紅魔鬼胡。

祖雲達斯考慮到前鋒杜辛華荷域可能今夏離隊，向巴黎聖日耳門借用嘅前鋒高路梅安尼表現每況愈下，無意買斷佢，會方有意另覓射手人選，並睇中域陀奧森漢，畢竟佢效力拿玻里期間表現出色，踢108場意甲入65球。

域陀奧森漢今季被拿玻里外借去土耳其球隊加拉塔沙雷之後，繼續有神勇表現，上陣34場入29球，佢同拿玻里嘅解約金為7,500萬歐元(約6.7億港元)，祖雲達斯今夏出售杜辛華荷域、杜格拉斯雷斯等球員，相信可以籌到足夠資金收購域陀奧森漢。