拒絕沙特重金利誘　「小雲」將同皇馬續約

皇馬翼鋒雲尼斯奧斯祖利亞近期曾接獲沙特阿拉伯豪門開出2億歐元(約17.6億港元)年薪天價合約利誘，比佢現時人工多10倍，但呢位24歲巴西國腳一直不為所動。根據「轉會權威」記者羅曼諾(Fabrizio Romano)最新爆料，「小雲」準備同皇馬續約至2030年。

據悉雲尼斯奧斯祖利亞已經接近同皇馬達成協議，有兩種續約方案，一係直接續約至2030年，一係續約至於2029年，再加1年優先續約權，總之無論如何，佢都係選擇留效「銀河艦隊」。

「小雲」今季為皇馬上陣47場入20球及14次助攻，並當選2024年世界足球先生，但對於失落金球獎，仍然耿耿於懷，普遍輿論認為佢想繼續留喺歐洲頂級賽事，爭取一嘗捧金球獎滋味。