巴西傳媒爆料　曼聯已經斟掂根夏

日前盛傳曼聯正同狼隊鋒將馬菲奧斯根夏斟介，據報已經有結果，雙方達成個人條件，曼聯今夏將會支付解約金6,250萬鎊(約6.46億港元)畀狼隊，簽入該巴西國腳。

巴西傳媒報道，25歲嘅馬菲奧斯根夏在狼隊表現出色，共吸引阿仙奴、諾定咸森林等來季出席歐聯球隊垂青，曼聯雖然歐聯資格成疑，但留意根夏長達兩季，在球員爭奪戰中一直領先，最重要係，根夏唔介意冇得踢歐聯，願意同曼聯「共患難」。

雙方已經達成協議，預計會在轉會窗開啟前完成交易。由於根夏身價不菲，曼聯今夏將會出售多名球員套現，狼隊亦會接受分期付款方式，以符合英超財務公平要求。