利物浦「荷蘭將帥」大成功　創造里程碑

利物浦聘請施洛領軍，首季立即捧盃，並創造一項紀錄，成為英超史上首位荷蘭籍冠軍領隊，華基爾雲迪積成為紅軍史上首位捧英超冠軍嘅荷蘭籍隊長，難怪網民話紅軍已經變成「橙色」。 利物浦奪得2020年英超冠軍，當時隊長仲係佐敦軒達臣，佢2023年夏天離隊後，由荷蘭中堅華基爾雲迪積克接任隊長，依家首次以隊長身份奪得英超冠軍。 至於施洛成為首位捧英超冠軍嘅荷蘭主帥，亦係繼摩連奴、安察洛堤、比歷連尼、干地之後，第5位首季執教英超球隊，就奪得聯賽冠軍嘅主帥。此外，荷蘭中場賴恩格雲貝治今季表現非常出色，利物浦「橙化」策略大成功。 反觀，曼聯之前聘請2位荷蘭名帥尹戈爾、坦哈格執教，成績都令人失望，真係同人唔同命。