天助曼聯　畢爾包首席射手受傷

曼聯嚟緊歐霸盃4強首回合作客畢爾包，原本係硬仗，但據報該西甲勁旅首席射手奧漢辛斯特，上輪西甲受傷，至於西班牙國腳翼鋒尼高拉斯威廉斯剛傷愈，狀態好極有限，真係天助曼聯。

畢爾包上輪聯賽對拉斯彭馬斯拉，奧漢辛斯特傷腿筋被換出，西班牙傳媒報道，會方驗傷後證實，奧漢辛斯特無緣主場對曼聯之戰，甚至連次回合作客奧脫福都唔出得，令「紅魔鬼」完美避開呢位射手。

25歲嘅奧漢辛斯特雖然並非西班牙常規國腳，但喺畢爾包表現出色，今季交出17球3助攻，係隊中首席射手，畢爾包冇咗佢前場威脅大大降低。

至於畢爾包另一主力尼高拉斯威廉斯最近亦受傷，剛於上輪聯賽傷愈後備復出，雖然可以對曼聯，狀態係點未知。