曼聯新目標　今次睇中拖連奴門神

曼聯今夏想換龍門，奧拿拿將被出售，再簽入新門將，據報佢哋有新目標，睇中拖連奴28歲門將雲查米連高域沙域，將其列入收購名單。

講起上嚟，雲查米連高域沙域初出道時，曾於2014年加盟曼聯，只可惜當年佢未能成功申請工作證，無法註冊所以無法為曼聯披甲，將近10年過後，雲查米連高域沙域已經成為塞爾維亞國家隊主力，登陸英超當然冇問題。

由於曼聯同佢早就有過聯繫，所以今次斟介亦好順利，雙方已作初步接觸，了解今夏轉會可能性，據報雲查米連高域沙域同拖連奴尚餘1年合約，今夏打算離隊，其在《轉會市場》身價為1,200萬歐元(約1.05億港元)。