C朗長子首次入選葡萄牙U15　阿嫲全程觀看

C朗長子基斯坦奴祖利亞早前獲葡萄牙足總徵召，首次入選葡萄牙U15名單，將出戰本月中在克羅地亞舉行嘅少年足球賽，小C朗已完成首課操練，嫲嫲在場邊全程觀看。

小C朗成長步伐一直跟隨父親足迹，先後效力皇家馬德里、祖雲達斯及曼聯青年軍，現時係艾納斯青年軍成員，14歲嘅佢盡得父親真傳，日前首次入選葡萄牙U15，吸引傳媒到場觀看。

美國出世嘅小C朗選擇代表葡萄牙，佢喺一眾同齡球員中，外型相當突出，表現淡定，嫲嫲全程觀看，C朗在個人社交平台對兒子鼓勵留言：「阿仔，我為你感到自豪。」

小C朗將會代表葡萄牙U15出席克羅地亞舉行嘅少年足球賽事，對手有日本、希臘及英格蘭。