阿諾特「黑歷史」曝光　皇馬小心中伏

利物浦右後衞阿歷山大阿諾特將於今夏離隊，預料會加盟皇馬，根據《WhoScored》統計，呢位26歲英格蘭國腳有一項「羞家數據」，今季平均每90分鐘，被對手扭過2.12次，屬於英超球員之中最多，皇馬隨時簽入1位「防線炸彈」。

今季英超有份上陣1000分鐘或以上嘅球員之中，阿歷山大阿諾特平均每90分鐘，被對手扭過2.12次，第2位分別阿仙奴後衞賓韋特、李斯特城左閘域陀基斯甸臣，兩人同樣有1.5次。緊隨其後係般尼茅夫中堅馬高斯辛尼斯、紐卡素左後衞賀爾，同樣為1.4次。

阿歷山大阿諾特一向以助攻力強見稱，但防守技術麻麻，所以曾經被安排踢中場，皇馬候任主帥沙比阿朗素，或者可以考慮呢項選擇。