維拉繼續擴軍　睇中費倫托利斯

阿士東維拉今季喺歐聯同聯賽同樣出色，來季將繼續擴軍，據報佢哋睇中巴塞隆拿前鋒費倫托利斯，打算向巴塞報價4,200萬鎊(約4.37億港元)提出收購。

英國傳媒報道，25歲嘅費倫托利斯曾效力曼城，對英超唔陌生，佢近年喺巴塞只能擔任後備，但仍交出一定表現，包括今季只得19次正選上陣，但仍交出19球7助攻，因此吸引維拉注意。

費倫托利斯步入生涯黃金期，希望爭取穩定上陣機會，因此可能尋求轉會，而維拉開價4,200萬鎊收購非常規主力費倫托利斯，對於財困嘅巴塞嚟講有一定吸引力，依家問題係費倫托利斯是否願意去維拉，同埋艾美利點同佢傾。