曼聯新三叉戟　集齊要用15億

曼聯無論能否贏得歐霸盃冠軍，今夏重建勢在必行，據報主帥魯賓艾摩廉已鎖定3位前鋒人選，包括狼隊射手馬菲奧斯根夏、賓福特前鋒麥比奧莫，同埋葉士域治前鋒利安戴納，買齊3人費用高達1.47億鎊(約15.3億港元)。

英國傳媒報道，25歲巴西前鋒馬菲奧斯根夏交易已接近完成階段，曼聯將啟動6,250萬鎊解約金條款(約6.46億港元)，狼隊將會放人，根夏亦成為魯賓艾摩廉今夏第一簽。

25歲喀麥隆前鋒麥比奧莫，亦係曼聯右前鋒嘅目標人選，此子同賓福特合約尚餘最後1年，賓福特好大機會今夏將其出售套現，目標價5,500萬鎊(約5.72億港元)，據報曼聯已經為其預留11號球衣。

最後係22歲英格蘭中鋒利安戴納，葉士域治篤定降班後，曼聯已展開斟介，轉會費3,000萬鎊(約3.12億港元)。

為集齊上述3箭頭，曼聯今夏將會出售多名進攻球員套現，包括海倫、約舒亞舒克斯、查頓辛祖、安東尼馬菲奧斯、阿歷真度加拿祖等。