回到起點　坦哈格將重返阿積士

阿積士今季大好形勢下痛失聯賽錦標，36歲主帥法奧利宣布辭職，據報球會高層立即物色新主帥，坦哈格成為主要候選之一。

55歲嘅坦哈格去年10月離開曼聯後一直待業，遊走於荷甲及德甲賽場之間，季中傳過接掌多蒙特，但多蒙特揀咗尼高高華，季尾又傳佢成為利華古遜候選人，但新帥首選係法比加斯。

今季阿積士在絕對優勢下陰溝裡翻船，最終屈居燕豪芬之下得亞軍，法奧利引咎辭職，令阿積士主帥出現空缺，會方心目中新帥人選有兩人，包括坦哈格同伊高斯主帥西蒙斯，其中坦哈格並無合約在身，而且佢2018至2022年執教阿積士期間成績突出，獲選機會最高。