昔日天才考取教練牌　揚言重返曼聯執教

前曼聯天才中場拉夫摩利臣近日接受訪問表示，掛靴後將會從事教練工作，揚言將來有一日會以教練身份重返奧脫福。

現年32歲嘅拉夫摩利臣是曼聯青訓出身，2010至12年在曼聯出道，上陣3場英聯盃賽事，曾獲傳奇領隊費格遜讚譽為「見過最好嘅球員」，以及「比朗尼同傑斯細個時更強」，不過後來拉夫摩利臣不成器，只能喺低組別球隊打滾，前後踢過14支球隊，現時在阿聯酋第3級別聯賽效力。

坎坷嘅足球生涯並未擊倒拉夫摩利臣，仍然心懷雄心壯志，佢話：「舊年夏天我已經考到B級教練牌，希望掛靴後從事教練工作，終有一日我會以教練身份重返曼聯。」