占美華迪38歲進軍西甲？華倫西亞力邀加盟

即將告別李斯特城嘅英格蘭前鋒占美華迪，有機會喺38歲高齡進軍西甲！據英國《太陽報》報道，華倫西亞意外向「華Dee」開出聘約，佢係前西布朗領隊哥比倫嘅心儀人選。

踢埋英超煞科後，占美華迪將告別效力13年嘅李斯特城，雖然佢表示希望留喺英超，但佢亦會考慮改變生活方式，美職、沙特球會都有提出斟介，更估唔到率先出手嘅係西甲華倫西亞。

華倫西亞由前哈德斯菲爾德、西布朗領隊哥比倫執教，佢上年聖誕節上任後，將華倫由榜尾帶返上中游，獲得球會信任，雖然華倫冇乜錢買人，但哥比倫就深信免費嘅占美華迪，有能力幫助球隊。