安素法迪轉戰法甲　耶馬成巴塞新10號

巴塞隆拿正與摩納哥商議外借安素法迪事宜，據報摩納哥準備以先借後買方式簽入安素法迪，巴塞期待交易完成，令拉明耶馬成為巴塞10號新主人。

「轉會專家」羅曼諾報道，安素法迪經理人同巴塞管理層取得共識，今夏將會離隊，轉戰法甲摩納哥，轉會後巴塞可獲二次轉會分帳，安素法迪在摩納哥將獲得更多上陣機會，並可征戰歐聯。

安素法迪一度是巴塞重點栽培對象，美斯離隊後更將10號球衣交畀佢，可惜呢位22歲小將狀態反覆，上季一度外借白禮頓都冇表現，今季巴塞取得西甲、西班牙盃及西超盃「本土三冠王」，但安素法迪僅上陣11場0入球，主帥費歷克亦表明安素法迪不在其計劃中，再唔轉會只係浪費時間。

巴塞同安素法由仲有2年約，稅後年薪高達700萬歐元，巴塞將佢先借後賣送到摩納哥，將可減輕財政負擔，最重要係巴塞10號可以傳畀拉明耶馬，既可帶動巴塞嘅商業價值，拉明耶馬亦將向金球獎發起挑戰。