車路士睇中祖奧柏度　出價5.3億

車路士今夏出戰世冠盃前打算增兵，據報佢哋睇中白禮頓巴西前鋒祖奧柏度，將會出價5,000萬鎊(約5.3億港元)，白禮頓亦有意放售，而且車路士係佢哋「大客戶」，雙方一拍即合。

英國傳媒報道，車路士今夏打算簽新前鋒，因為隊中嘅尼干古有意離隊，而尼高拉斯積遜表現亦唔夠穩定，認為簽入祖奧柏度可以增強鋒力。

23歲嘅祖奧柏度同白頓頓仲有3年約，不過呢位巴西射手場內紀律問題唔少，早前對賓福特因為開肘直紅停賽3場，嚟緊煞科戰對熱刺，主帥靴斯拿表明唔會派佢上陣，今夏打算將佢出售，車路士有意斟介，可以話啱啱好。

事實上車路士係白禮頓「主要客戶」，近年先後收購古古列拿、摩西斯卡些度，甚至主帥樸達，喺車路士身上賺唔少，今次出售祖奧柏度，佢哋打算向車路士抬價1,000萬至2,000萬鎊，標價在6,000萬至7,000萬鎊之間，至於真正成交價仲要等兩隊埋枱傾先知。