曼聯想簽狼隊右閘　貪佢免轉會費

曼聯斟介狼隊前鋒馬菲奧斯根夏進入最後階段，期間正考慮簽埋狼隊隊長尼爾遜施美度，該31歲葡萄牙右閘今夏約滿回復自由身，曼聯簽佢可加強右閘兵源。

在英超煞科日，尼爾遜施美度為狼隊主場上陣對賓福特，賽後接受球迷鼓掌致意，完全就係一個告別儀式，英國傳媒報道，狼隊曾向施美度開出4年合約，但未獲答應，預計今夏離隊。

施美度因此進入曼聯視線，曼聯近期準備簽入狼隊前鋒馬菲奧斯根夏，啟動對方解約條款，將耗費6,250萬鎊(約6.63億港元)，在曼聯內部討論中，有人提到回復自由身嘅施美度，並考慮將施美度同根夏一齊簽入。

施美度係葡萄牙國腳，踢過賓菲加同巴塞隆拿，效力狼隊5個球季，曼聯簽佢，將有機會免費獲得一位經驗豐富嘅右閘。