細恩賞識　國米向曼聯求購海倫

曼聯前鋒海倫今季英超上陣32場僅入4球，今夏勢必被賣走，據報國際米蘭對佢有興趣，願以先借後買方式接收，國米主帥「細恩」施蒙尼恩沙基非常睇好海倫，向海倫開出豐厚條件，期望佢喺意甲重生。

意大利傳媒報道，雖然海倫喺曼聯踢得差，但國米對佢嘅興趣仍然濃厚，認為佢表現不濟純屬意外，其實際戰術價值仍然甚高，特別係細恩，認為海倫係優秀前鋒，有巨大提升空間。

曼聯2023年以7,200萬鎊簽入海倫，兩季過後，曼聯願意割價出售，國米向曼聯提出先借後強制買斷方案，並向海倫提供350萬至400萬歐元稅後年薪，仲打算喺買斷後簽約4年，條件相當優厚。