施洛痛失好幫手　希汀加將離隊執教阿積士

利物浦領隊施洛面臨痛失好幫手，根據「轉會權威」記者羅曼諾(Fabrizio Romano)爆料，紅軍方面已經批准助教希汀加離隊，去同阿積士商討加盟事宜，如果成事，呢位41歲荷蘭名宿將會成為阿積士新主帥。

阿積士今季「臨尾香」，被燕豪芬搶走聯賽錦標，教練費利奧利黯然離隊，會方計劃邀請希汀加回巢執教。呢位昔日鐵衞球員時代曾兩度效力阿積士，亦教過阿積士青年隊，非常了解呢支荷甲勁旅，無疑係合適人選。

希汀加上年5月離開韋斯咸教練團，其後加盟利物浦擔任助教，今年2月底英超，施洛停賽之下，希汀加首次擔大旗領軍出擊，以2比0擊敗紐卡素，教波能力毋庸置疑，相信阿積士好大機會聘請佢領軍，施洛要準備搵定新助攻。