傳遭希拉爾挖角　艾摩廉：感覺般費會留隊！

曼聯周五（30日）在香港大球場出戰友賽，以3比1反勝港隊，而有傳正受沙特阿拉伯豪門希拉爾挖角的隊長般奴費南迪斯，亦有份上陣。賽後紅魔主帥魯賓艾摩廉向球迷大派定心丸，認為般費來季很大機會繼續留隊。

般奴費南迪斯近日有傳被希拉爾開出天價周薪挖角，更有指其經理人正身處沙特阿拉伯與球會談判，惟曼聯主帥魯賓艾摩廉在對港隊的賽後記者會上，卻認為這名中場會繼續留隊：「我唔覺得今場會係般奴最後一次代表曼聯披甲，當然冇人唔可以肯定，但我感覺佢係好想留隊。佢仲年輕，加上質素好高，絕對需要留喺全球最出色嘅聯賽踢波。」

除了般費個人會大幅加薪至70萬鎊周薪外，擬悉希拉爾亦願意向曼聯支付1億鎊轉會費，絕對有助紅魔重建，惟艾摩廉卻不認為這是一個好的交易：「球隊要賺錢，仲可以透過好多其他方法！」