般費拒絕希拉爾肥約　曼聯錯失10億

歐霸盃後暗示離隊嘅曼聯隊長般奴費南迪斯，據報已拒絕沙職豪門希拉爾3年2億鎊肥約(約21.2億港元)，打算繼續留在歐洲發展，但亦令曼聯錯失高達1億鎊(約10.6億港元)潛在轉會費收入。

英國傳媒及多個權威消息人士報道，曼聯歐霸盃失利後，宣布隊中所有球員都可以出售，希拉爾立即採取行動，接觸般奴費南迪斯經理人，開出3年總值2億鎊天價合約，與般費合約至2027年嘅曼聯，將可收取1億鎊轉會費。

報道指，般費已作出決定，拒絕希拉爾斟介，認為自己只有30歲，希望繼續留在歐洲頂級聯賽發展。

傳媒分析指，般費2020年加盟曼聯以來，球隊實力不但停滯不前，今季更有所倒退，對於曼聯重建已失去耐性，加上新班主拉特克利夫只關心收入及盈利，所以就算拒絕去沙特，都唔代表佢會留喺曼聯。