艾納斯搶PSG猛將　幫助C朗爭標

根據「轉會權威」記者羅曼諾(Fabrizio Romano)爆料，沙特阿拉伯豪門艾納斯計劃出手收購中場，目標直指歐聯冠軍巴黎聖日耳門(PSG)主將法比安彭拿，希望簽入呢位29歲西班牙國腳，幫助C朗下季爭標。

據悉艾納斯將同C朗簽約2年，並答應佢今夏大肆增兵，提升球隊爭標實力，法比安彭拿成為收購人選。呢位中場全能戰士3年前由拿玻里加盟PSG，今季表現大勇，各項賽事上陣54場入5球及10次助攻，成為PSG奪得今季法甲、法足盃、歐聯冠軍嘅功臣之一。

法比安彭拿剩下2年合約，仍未同PSG達成續約協議，艾納斯打算乘虛而入，邀請佢加盟。不過，PSG主帥安歷基視呢位西班牙同胞為球隊計劃重要部分，艾納斯想挖角並非事易。

另外，據悉艾納斯打算放走33歲前鋒沙迪奧文尼，預料會收購新射手填補空缺。