曼聯真係出手　力斟當拿隆馬

巴黎聖日耳門(PSG)門將基安盧基當拿隆馬只剩下1年合約，根據《ESPN》爆料，呢位26歲意大利國腳續約談判出現阻滯，曼聯趁機派人聯絡其經理人安素拉奧拿，討論加盟可能性。

曼聯門將奧拿拿一直表現欠佳，會方早已打算換「門」，早前傳出想簽入阿士東維拉鋼門達米安馬天尼斯，現時向基安盧基當拿隆馬埋手。雖然當拿隆馬早前表示想留隊，但一旦傾唔掂數，仍然有機會走人。

事實上，PSG已經做定兩手準備，如果同當拿隆馬續約失敗，今夏就會出售佢，並收購里爾門將盧卡斯捷華利亞。除咗曼聯之外，國際米蘭亦有意簽入基安盧基當拿隆馬，安素拉奧拿曾經透露，唔排除呢位門神會再戰意甲。