利萊辛尼投加拉塔沙雷　周薪30萬歐元

德國翼鋒利萊辛尼同拜仁慕尼黑續約失敗後，正式同意自由身加盟土超勁旅加拉塔沙雷，呢位29歲翼鋒周四(12日)已飛抵土耳其準備簽約，據報佢簽嘅3年合約，周薪接近30萬歐元。

利萊辛尼同拜仁慕尼黑合約月底完結，今夏結束5年拜仁生涯，雖然受到沙特球會同阿仙奴、拿玻里等球會斟介，但呢位翼鋒最終選擇去加拉塔沙雷，年薪為1,500萬歐元，同上年借用嘅域陀奧森漢人工相同。

利萊辛尼周四已坐私人飛機飛抵土耳其，佢戴住加拉塔沙雷頸巾接受大批接機球迷歡迎，呢位德國國腳表示：「我依家超級開心，唔識形容個好開心程度，好期待新嘅旅程。」