【官宣】安祖高美斯投馬賽　同格連活特兄弟重逢

英格蘭國腳安祖高美斯同里爾嘅合約完結，一直有傳佢會重返母會曼聯，不過另一法甲勁旅馬賽周四(12日)宣布，佢哋已經同安祖高美斯達成轉會協議，安祖高美斯將同昔日曼聯青訓兄弟格連活特重逢。

24歲嘅安祖高美斯喺曼聯青訓出身，5年前轉投里爾逐歲打出名堂，上年仲入選埋英格蘭國家隊，一直有傳佢夏天約滿後，將自由身重返曼聯，不過最終佢選擇留喺法甲，將同馬賽正式簽約。

安祖高美斯喺馬賽，將會同昔日曼聯青訓隊友格連活特再合作，兩人感情深厚，5年前安祖高美斯正式離開曼聯，格連活特喺對白禮頓入波後，用手砌出「A」字手勢向老友致敬。