【官宣】根夏亮相奧脫福：我細細個就愛曼聯

曼聯早前宣布同巴西前鋒馬菲奧斯根夏達成轉會協議，佢周三(11日)幫助巴西成功進軍明年世盃後，周四(12日)終於喺奧脫福球場亮相兼簽約，呢位26歲前鋒表示：「我細細個睇波已經愛上曼聯！」

據報根夏同曼聯簽約到2030年，另加1年自動續約條款，曼聯會向狼隊支付6,250萬鎊轉會費。有傳根夏將會着曼聯10號波衫，不過官網表示呢位新兵嘅號碼仍未有定案。

根夏簽約後大賣口乖：「好難用言語形容依家嘅感覺，我細細個喺巴西去嫲嫲屋企睇英超直播，曼聯就係我最愛嘅英格蘭球隊，一直幻想着呢位紅色衫，好多謝家人幫助我夢想成真。」

曼聯足球總監韋確斯亦表示：「收購根夏喺我哋夏天主要目標，佢已證明自己係英超最有貢獻力嘅前鋒之一，之前喺西甲同德甲亦都顯示出實力，佢有齊曼聯所需要嘅質素。」