皇馬大鑊　麥巴比腸胃炎急送院

皇家馬德里喺世冠盃首戰只能賽和希拉爾，王牌前鋒基利安麥巴比離奇缺陣，皇馬周四(19日)官方宣布，麥巴比因急性腸胃炎，已送院治理，能否繼續比賽都係未知之數。

皇馬官方公布表示：「本隊球員基利安麥巴比出現急性腸胃炎症狀，已送院接受各方面檢查及相應治療。」

皇馬首戰世冠盃冇咗麥巴比，對希拉爾都贏唔到，新上任嘅沙比阿朗素表示，對於麥巴比能否在趕及下場復出，至今未能確定。

皇馬在H組餘下兩場賽事，下場對帕丘卡，之後對薩爾斯堡。