一種情況　佐敦軒達臣重返英超

35歲佐敦軒達臣已重返國家隊，來季更有機會重返英超，據報該中場大將同阿積士有協議，今夏7月中之前可以自由身轉會，正與其母會新特蘭、諾定咸森林同法甲馬賽斟介，如果加盟新特蘭或森林，佐敦軒達臣就可重返英超。

英國傳媒報道，佐敦軒達臣前年離開利物浦，遠赴沙特挖金，但去年離開伊蒂法克重返歐洲，到阿積士落班，可惜衝擊荷甲冠軍功虧一簣，但無阻佢重返國家隊，佢同阿積士合約定明，7月中之前可以免費離隊，近日受到多隊關注，包括新特蘭及諾定咸森林。

佐敦軒達臣嘅目標係出戰明年北美世界盃，所以今夏會細心選擇去向，其母會新特蘭剛取得升班資格，重返英超，以及剛宣布同領隊紐奴續約嘅諾定咸森林都係選項之一，佢亦可以揀去馬賽，又或者繼續留效阿積士。