利物浦再爆危機　干拿迪明年自由身投皇馬

利物浦剛過去球季受3大主力續約問題困擾，最終阿歷山大阿諾特約滿自由身離隊，轉投皇馬，勢估唔到管理層仲未汲取教練，嚟緊球隊又出現類似情況，就係中堅伊巴希馬干拿迪尚餘1年約，佢打算明年夏天自由身去皇馬，紅軍高層有排頭痕。

利物浦早前先同穆罕默德沙拿及華基爾雲迪積克續約，解除纏擾多時嘅隱患，但紅軍管理層工作效率認真低，依家又有伊巴希馬干拿迪即將約滿，雖然會方已經同球員開啟咗續約談判，但進展唔理想。

法國傳媒報道，該26歲法國國腳打算明年夏天以自由身離隊，下一站首選去皇馬，即係行番阿歷山大阿諾特條路，紅軍管理層又重蹈覆撤，全季不得安寧。

除咗皇馬，巴塞同巴黎聖日耳門得悉干拿迪合約即將屆滿，亦紛紛展開行動，對佢加盟持開放態度，利物浦嚟緊有排煩，解決問題嘅另一方法，就係今夏將干拿迪出售。